បង្ក្រាបជនសង្ស័យ៥នាក់ និងដកហូតថ្នាំញៀនជាច្រើនកញ្ចប់ នៅក្រុងស្ទឹងត្រែង

(ស្ទឹងត្រែង)៖ កម្លាំងការិយាល័យប្រឆាំងគ្រឿងញៀនខេត្តស្ទឹងត្រែង ក្រោមការសម្របសម្រួលពីលោក ជេត ខេមរា ព្រះរាជអាជ្ញា នៃអយ្យការសាលាដំបូងខេត្ត បានបើកប្រតិបត្តិការ រយៈពេល២ថ្ងៃជាប់ៗគ្នា បង្ក្រាបបានជនសង្ស័យ៥នាក់ និងបានដកហូតបាននូវសារធាតុញៀនមួយចំនួន ដោយថ្ងៃទី៩ ខែមិថុនា ឆ្នាំ២០២០ សមត្ថកិច្ចបានឃាត់ខ្លួនជនសង្ស័យ៣នាក់ និងថ្ងៃទី០៩ ខែមិថុនា ឆ្នាំ២០២០ បានឃាត់ខ្លួនជនសង្ស័យបាន២នាក់បន្ថែមទៀត ស្ថិតនៅទីតាំងផ្សេងៗគ្នា ក្នុងក្រុងស្ទឹងត្រែង និងបានដកហូតថ្នាំញៀនជាច្រើនកញ្ចប់ផងដែរ។

មន្រ្ទីអនុវត្តច្បាប់នៃការិយាល័យប្រឆាំងគ្រឿងញៀន បានឱ្យដឹងថា ការបង្ក្រាបករណីជួញដូរនេះលើកទី១ នៅថ្ងៃទី០៩ ខែមិថុនា ឆ្នាំ២០២០ បានដកហូតវត្ថុតាង ថ្នាំញៀនប្រភេទមេតំហ្វេតាមីនក្រាមពណ៌សថ្លា (ICE) ចំនួន០៣កញ្ចប់តូច ទម្ងន់សរុប ០.៦៥ក្រាម ឃាត់ខ្លួនជនសង្ស័យចំនួន០៣នាក់រួមមាន៖

*ទី១៖ ឈ្មោះ យឹម សំណាង ភេទប្រុស អាយុ ៣២ឆ្នាំ ជនជាតិខ្មែរ មុខរបរកម្មករ ទីលំនៅបច្ចុប្បន្នភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង
*ទី២៖ ឈ្មោះ ផាត់ សារ៉ាក់ ភេទស្រី អាយុ ៣៧ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅបច្ចុប្បន្នភូមិ កាំងមេម៉ាយ សង្កាត់ព្រះបាទ ក្រុងស្ទឹងត្រែង ខេត្តស្ទឹងត្រែង
*ទី៣៖ ឈ្មោះ យ៉ែម មេត្រី ហៅ ជ័យ ភេទប្រុស អាយុ ៣២ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នភូមិព្រែក សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ចាប់យកវត្ថុតាងថ្នាំញៀន ប្រភេទមេតំហ្វេតាមីនក្រាមពណ៌សថ្លា(ICE) ចំនួន ១១កញ្ចប់(០៦កញ្ចប់ធំ និង០៥កញ្ចប់តូច) ទម្ងន់សរុប ១៧,៨៦ក្រាម។

បន្ទាប់មកទៀតសមត្ថកិច្ច បានបន្តឃាត់ខ្លួនមេក្លោងចំនួន០២នាក់ទៀតរួមមាន៖

*ទី១៖ ឈ្មោះ ម៉ាក់ រ៉ាម៉េត ភេទប្រុស អាយុ៣៣ឆ្នាំ ជនជាតិខ្មែរ មុខរបរកសិករ ទីលំនៅបច្ចុប្បន្នភូមិកោះខនឌិន សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង
*ទី២៖ ឈ្មោះ ម៉ាក់ បូរាន ភេទប្រុស អាយុ ១៩ឆ្នាំ ជនជាតិខ្មែរ មុខរបរកសិករ ទីលំនៅបច្ចុប្បន្នភូមិកោះខនឌិន សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង ចាប់យកវត្ថុតាងថ្នាំញៀនប្រភេទមេតំហ្វេតាមីនក្រាមពណ៌សថ្លា(ICE) ចំនួន ០៩កញ្ចប់តូច ទម្ងន់សរុប ៣.៤៣ក្រាម។

សមត្ថកិច្ចបានបញ្ចាក់ថា បច្ចុប្បន្នជនសង្ស័យខាងលើត្រូវបានមន្រ្តីអនុវត្តច្បាប់នៃការិយាល័យប្រឆាំងគ្រឿងញៀននៃស្នងការដ្ឋាននគបាលខេត្ត បានឃាត់ខ្លួន សាកសួរដើម្បីកសាងសំណុំរឿង បញ្ជូនជនសង្ស័យ និងវត្ថុតាងទៅអយ្យការអមសាលាដំបូងខេត្ត ដើម្បីចាត់ការតាមនីតិវិធី៕

---